आठवणी-साठवणी

मी सहावी/सातवीत असताना एकदा वाढदिवसाला वर्गात मुलांना द्यायला कुठल्या तरी लिमलेटच्या गोळ्या आणल्या होत्या. मोठं पाकीट होतं. शाळेत देऊन उरलेलं घरी घेऊन आले. आईने ते एका कपाटावर ठेवलं. आम्हांला ते माहित असल्याने आम्ही बहिणी रोज एक दोन करत बऱ्याच खाऊन  गेलो. आईने एक दिवस आम्हालाच देण्यासाठी ते काढलं तर जवळ जवळ संपलेलंच. आधी वैतागली मग म्हणाली जाऊ दे, आता काय परत मिळणार नाहीत. म्हणून आहेत त्याही संपवून टाकल्या.
आज सकाळी पोरांचा डबा भरण्यासाठी फ्रिजमधून चेरी टोमॅटोचा बॉक्स काढला. गेल्या दोन तीन दिवसांत सानूने एकेक करत जवळ जवळ संपवले होते. मोजून ८-१० राहिलेले. संदीपने ते दाखवलं तेव्हा आईची आणि त्या गोळ्यांची आठवण झाली. म्हटलं, "जाऊ दे. उरलेले स्वनिकला देऊन टाक."
माझ्या गोळयांपेक्षा हिचे टोमॅटोच बरे ना? :)

विद्या.