Tuesday, March 27, 2007

तू !

तू आहेस तुझी, तुझ्या स्वप्नांची,
माहित आहे मला
आहेस तू त्या पावसाची,
ज्याच बरसणं भुलवितं तुला.
त्या गोड-गुलाबी थंडीची,
जिच्या कुशीत अलगद शिरावसं वाटतं तुला.

तू असतेस बऱ्याच वेळा
तुझ्या कल्पनांची,तुझ्या भावनांची
आणि केवळ तुझ्या कवितांची.
या सर्वांहूनही वेगळी असतेस तू
तुझ्या अनेक प्रिय व्यक्तींची,
त्यांच्यासोबतच्य़ा तुझ्या क्षणांची,
हरवून गेलेल्या त्यांच्या काही आठवणींची.

या सर्वांचा खूप हेवा वाटतॊ,
पण राग येत नाही,
कारण तू 'त्यांचं' असणं
हेच तुझं 'तू' पण आहे.
प्रत्येकवेळी तुझ्या नव्या रुपांना पाहताना,
मी मनापासून भुललो आहे.

पण हे असं भुलतानाही...
माझं 'मी' पण संपत नाही,
तू कधीतरी माझी असावीस
असं वाटल्यावाचून राहत नाही.
खरंच, तुझ्या सर्व क्षणांहूनही वेगळा
असा एखादा क्षण येईल?
जो तुला केवळ
माझीच आठवण करून देईल?

-विद्या भुतकर.
माझे फेसबुक पेज: https://www.facebook.com/VidyaBhutkar1/

6 comments:

Anonymous said...

mast ch ahe..
ekdum mankawadi..
mazya manatil bhavnanch tantotant pratibimb mala janwala..

keep writting

Salman كازي said...

hi vidya

kedar said...

Hey chan lihile aahes. And more interestingly swathala dusrychya jagevar thevun.. wah!! wonderful, keep writing.

स्वाती आंबोळे said...

hmmm...
अगदी अगदी..!! :)

Unknown said...

hi Vidya !!
me just
tuje blogs n kavita vachayla suruwat keli ahe ani mala hi kavita khupach avadali


khupach chan lihites keep writing !

Be happy & Keep Smiling!
Enjoy life forever!

~raj.

Sonali Dolas said...

khup chhaan aahe
mee suddha ashich aahe